Хурама


Сырăш


Çулла илем кӳретчĕ урама

Çурт умĕнчи ем-ешĕл хурама.

Халь витĕнчĕ вăл шурă мамăкпа:

«Епле илемлĕ!» — тĕлĕнет аппа.

 

Кунта пасар тăваççĕ кайăксем —

Çерçисемпе хитре кăсăясем.

Эп сырăш çакрăм хурама çине,

Ялан хуратăп ирсерен çиме.

 

Тĕпренчĕкпе сап-сар вир пĕрчине

Сăхаççĕ кайăксем çине-çине,

Куллен хăналанаççĕ... Кур, сăна;

Чĕвĕлтетеççĕ:

«Тавтапуç сана!»

Яков Рогачев | Сăвă | ачасем валли | хурама | 368