Висла

Çĕр-йышăмсем!....

Çĕр-йышăмсем! Мĕн-ма пурне те ыррăн

Курас килет-ши манăн çак самант?

Тăван уй-хир, вăрман, шыв-шурăм, çырăм,

Мĕлкĕшленсе чуна эс ан амант.

Ман юнăм юхрĕ Висла шывпала,

Ан хутăшăр вăл тăрă Атăла.

Эхер те эп сире кураймасассăн,

Çĕршывăмçăм, туссем, тăван-пĕтен,

Ман тунсăхлă, ман пăшăрханăç сассăм

Çитейтĕр-и кĕрхи çилсемпелен.

Пĕр шухăша упратăрччĕ инçет:

Рехмет сире, пуриншĕн те рехмет!