Электронлă вулавăш

— Эсĕ каланă пек пултăрччĕ, Алюн.

— Çапла пулатех!

— Çапла пултăр тесен ыран пирĕн уйрăлмалла ĕнтĕ. Çапла-и, Алюн?

— Тĕрĕс калатăн, Укаслу.

— Манăн эсĕ! Урăх никамăн та мар! — каччă çумне тĕршĕнет хĕр. — Манăн эсĕ!

— Эсĕ те манăн, Укаслу!

Хĕрĕн унчченхи пек мар, темĕнле хăвăрттăн-хăвăрттăн тапакан чĕрине туйрĕ те каччă ăна пушшех хăй çумне хытăрах чăмăртарĕ.

— Манăн эсĕ!

Хĕре вĕçĕмсĕр чуптурĕ вăл: тутинчен, питĕнчен, çамкинчен, мăйĕнчен...

... Сыпăннă ĕмĕт!

Епле лайăх сыпăнсан та тĕвви пулатех-çке. Пĕр татăлнă япала татăлмах пăхать.