Хĕн-хур айĕнче :: Пăлхавлă пуху

Çемен Элкер | Сăвăллă повесть


Кантурпа чиркӳ сĕвеççĕ тире...

Тĕп пулччăр вĕсем. Çĕмретпĕр, тавай!

 

Мики

Эпир вăйсăр мар, туссем-юлташсем!

Каятпăр, чăнах, Пахомпа пĕрле.

Чĕтреччĕр ирсĕр çĕлен-калтасем!

Ĕнтер вĕсене аçа-çиçĕмле...

 

Ак çак самантрах алăк уçăлать,

Кĕрет пĕр хусах, кăшкăрса калать:

— Часрах тух, Чакка...

Час, час!.. Каймалла!

Чакка тытăнмасть — сикет тулалла.

■ Страницăсем: 1 2 3 4