Вĕре çĕлен
I.
Инçех те мар, çывăх мар
Ĕлĕк авал пĕр çĕрте
Пĕр улпутăн парма-пар
Икĕ хĕрĕ ӳснĕ тет.
Çав улпутăн пĕр хĕрĕ
Качча-мĕне тухмасăр,
(Мĕн тăвас, тен, инкеке).
Ывăл-ача çуратать.
Ашшĕ çавна пĕлет те
Нимĕн тума аптăрать.
Шухăшласа илет те
Пысăк шăтăк çĕр айне
Чавтарнă та вăл унта
Хĕрпе ачине антарса
Апат ĕмĕрлĕх парса
Шăтăк çăварне чулпа
Хурать купалаттарса.
Çав шăтăкра хĕр ачи
Сехетсейрен ӳсет тет.
Виçĕ çула çитсессĕн
Амăшĕнчен çӳлрех тет.
Пиллĕк-ултта çитсессĕн
Ачи калать амăшне:
«Çак шăтăкран пĕр сиксе
Çӳле тухса каям?» тет.
Амăш çакна илтсессĕн:
«Сиксе тухсан аван та
Анчах пире тухмасса
Пирĕн пуçăмăр тăрне
Чул купаланă çав», тет.
Униччен те пулмарĕ,
Ывăл-ача йăлт! сикрĕ
Çӳле тухса палт! ӳкрĕ.
Тĕттĕм çĕрте пурăнса
Вăрмансенчен, хĕвĕлтен,
Халччен тĕнче курманскер,
Кайăксенчен, тыр-пултан
Пит тĕлĕнсе кайрĕ тет.
Шăтăк патне пĕшкĕнсе:
«Мĕн япала ку, анне?»
Ыйтать ача тĕпчесе.
Амăш ăна мĕн пурне
Хай мĕн таран пĕлнипе
Ăнлантарать йĕррипе.
Ултă çулхи ывăлне
Ярать амăш вăрмана,
Кайăк тытса кил, тесе.
Те çамрăкран айванран,
Елле пĕвĕ пысăкран,
Е çут тĕнче курмантан,
Улпут хĕрин ывалĕ
Ниçта кайма хăраман.
Амăш каласассăнах
Тухрĕ кайрĕ çав ача,
Кайăк тытма вăрмана.
Сĕм вăрмана çитрĕ те
Йывăç хуçса илчĕ те
Çав йывăçпа кайăксе
Пере-пере ӳкерчĕ.
Киле илсе пырсанах
Çирĕç пĕрле пĕçерсе.
Çантан вара кулленех
Ывал-ача вăрмана
Кайăк тытма çӳретех.
II.
Пĕрре ача вăрманта
Тарăн çырма тĕл пулать
Тарăн çырма варринче
Прени ылттăн, çийĕ кĕмĕл
Йăлтăртатса пӳрт ларать.
Кĕрсе кайрĕ çав пӳрте
Хавасланса хай ача,
Пĕр чун та çук ăшĕнче.
Пĕр шикленмесĕр ача
Çӳрет пӳртре тустарса.
Сентри çине пăхать те,
Нумай пуçлă пĕр çĕлен
Вырта парать чашкăрса.
Хăпăл-хапăл çавăрса
Ярса тытать çĕлене.
Усал çĕлен çумĕнче
Темĕн чухлĕ çăраççи.
Уçăсене суйласа
Карташĕнчи ампарсе
Уçа-уçа пăхать тет,
Хăйне пӳлĕм сахăр тет,
Тепĕр пӳлĕм пĕремĕк,
Урăх пӳлĕм канхвит тет.
Пĕр пӳлĕмре пит лайăх
Пулнă тарăн тараса;
Çанта çĕлене ярса
Питĕрсе илет ача.
Каç енелле сулăнсан
Ачи килне таврăнсан
Мĕн курнине амăшне
Парать пурне каласа.
Анчах амăш хăрасран
Çĕлен çинчен тĕмĕншĕн
Пĕр сăмах та каламан.
Вара çапла калаçсан
Ылттăн-кĕмĕл пӳрт ăшне
Амăшĕпе ывăлĕ
Кайса кĕрсе вырнаçнă.
Куллен кунах вăрмана
Кайнă ача кайăка.
Пĕрре пĕччен юлсассăн
Карташĕнчи ампарсе
Амăш уçса çӳренĕ.
Тарасине курсассăн,
«Шывĕ тăрă-ши?» тесе
Пури çинчен пĕшкĕнсе
Пăхнă амăш аяла.
Шывĕ мĕнĕ курăнман,
Ĕлĕк хăйпех выляни
Ларать шалта пĕр каччă.
«Мĕн ĕçлетĕн эс унта?»
Тесе ыйтать улпут хĕр.
«Паçăр санăн ывăлу
Мана хупса лартрĕ», тет.
(Улпут хĕрне çыпçăннă
Вĕре çĕлен çак каччă
Хăйех пулнă мĕн амак).
«Эсĕ мана хĕрхенсен
Мана кунтан кăларма
Тилкепе е вĕрен яр».
— Кунтан сана кăларма
Çук-çке вĕрен-тилкепем!
— Апла нулсан сур кунта!
Улпут хĕрĕ сурнă та
Сурчăк вĕрен пулайнă.
Вĕре-çĕлен ун тарăх
Йăваланса улхайнă.
Пӳрте пĕрле кĕнĕ те
Иккĕшĕ те вылянă.
Пăртак вăхăт иртсессĕн
Улпут хĕрĕ ывăлĕ
Кайăк тытса вăрмантан
Таврăнать тет килнелле.
Вĕре çĕлен курсанах:
«Вĕç — ав килет ывăлу
Пире выляма чарать,
Атя ăна вĕлерер», тет:
Улпут хĕрĕ итлесе
Вĕлермешкĕн ăс ыйтать.
Вĕре çĕлен ăс парать:
«Эсĕ ывăлу килсен
Чирлĕ çын пек пулса вырт.
Кашт çех, ачам вилеттĕм,
Мĕшĕн часрах килместĕн?
Халĕ эсĕ кĕриччен
Эпĕ пăртак тĕлĕртĕм.
Çав вăхăтра тĕлĕкре
Пĕр шур сухаллă старик
Мана çапла каларĕ:
Яр ывăлна пуш хире;
Çав хирте пĕр сысна пур,
Хĕрех те пĕр çури пур.
Пĕр çурине тытсассăн
Пĕçерсе çисе пăхсассăн,
Чĕрĕлетен, терĕ, те.
Çав сыснаран ывăлу
Чĕрĕ юлас çук, тенĕ.
Улпут хĕрĕ итлесе
Каччă курнан çĕлене
Тарасана хупнă та,
Пӳрте кĕрсе сывмара
Хывса выртнă ахлатса.
Тĕрлĕ вăрман кайăкне
Темĕн чухлĕ çĕклесе
Кĕчĕ ывăлĕ пӳртне.
Амăш чирлине курсан:
«,Тата сана мĕн пулчĕ?»
Тесе ыйтать шарт сиксе.
Вĕре çĕлен сăмахпе
Ярать амăш ывăлне
Хире сысна шырама.
III.
Пушă хире кайнă чух
Çĕнĕ комментари хуш
Шухăшсем
Вау, привлекательно веб-сайт...
Вау, привлекательно веб-сайт...
Вау, привлекательно веб-сайт...
Вау, привлекательно веб-сайт...
Вау, привлекательно веб-сайт...
Питĕ чуна пырса тивекен сăвă...
Ĕлĕк , вуншар çул каялла , тейĕпĕр , вул...
Пĕр калаврах ĕç-пуçĕ целăй романлăх !!!
Мана питĕ килĕшрĕ...
Вуланă ...