Эх, кун-çулăм, пурнăçăм...

Эх, кун-çулăм, пурнăçăм,

Хаяр хĕрлĕ пăрăçăм,

Мĕншĕн пыл сĕнмерĕн-ши,

Е тиркет ку терĕн-ши?

Эх, кун-çулăм, пурнăçăм,

Пĕр çунатлă тусăмçăм,

Теприне ма хуçрăн-ши,

Ĕмĕте ма татрăн-ши?

Эх, кун-çулăм, пурнăçăм,

Чул хушшинчи çăлкуçăм,

Тертлĕн, çапах юхатăн,

Вăй-хал, сиплĕх паратăн.

Эх, кун-çулăм, пурнăçăм,

Каçар, Аслă Турăçам,

Каçар ӳпкелешнĕшĕн,

Парнӳне тиркенĕшĕн.

Çĕнĕ комментари хуш