Çĕр
Ирхи сулхăн çулпа
Хире тухрĕ бригада.
Çăмăл çил
Хирĕç çитрĕ таçтан аякран.
Аслă çĕр анаслать
Тĕтре витĕр хăватлăн,
Вăранать çĕр çапла
Çĕрлехи ыйхăран.
Вăранăть çĕр çапла.
Ялтан тухрĕ, ав, трактор.
Вăл васкать хирелле
Хĕвелпе ĕлкĕрме.
Ак эпир плугсене
Тĕрĕслетпĕр, лартатпăр,
Майлашсан,
Пулăшатпăр часрах пĕр-пĕрне.
Майлашсан,
Ĕçри çирĕп юлташлăх та пирĕн
Плуг тĕренĕ пек
Çивĕч те çутă, таса.
Аслă çĕр!
Эпир юрă пуçларăмăр вирлĕн,
Юра кайрĕ хир тăрăх
Çилпе выляса.
Юрă кайрĕ çилпе.
Трактор çитрĕ вăр-варрăн.
Вăл пуçларĕ
Çĕре хускатма тĕпĕнчен.
Çĕр вĕрет, хумханатъ
Сарлакан та пит тарăн.
Трактористка кулать,
Çут хĕвел — питĕнче.
Трактористка кулать.
Плугсем пирĕн те харăс
Тутăхми хурçăпа
Касса кĕчĕç çĕре.
Лашасем пĕр кавар
Тракторпа пĕрле кайрĕç,
Хурçăпа лаша пулчĕç
Пĕр вăй тĕнчере.
Çĕр вăранчĕ йăлтах,
Кăкăрне карăнтарчĕ, —
Аслă Çĕр,
Юнпа çăвăннă ирĕклĕ çĕр,
Тăвăлпа, çулăмпа
Витĕр хĕртĕннĕ çĕр,
Ĕмĕрхи ыйхăран
Вăл мăнаçлăн вăранчĕ,
Вăл паян
Тутă вăрлăхпала пĕтĕçет.
Çĕр мăнаçлă паян.
Вăл этем савăнмалăх
Чечекленĕ, тулса
Хĕвелпе, юрăпа,
Тулса тăкăнĕ
Ăшă çурхи кулăпа,
Эп ун чух,
Трактористкăпала алла-аллăн
Тытăнса,
кайăп çутă та лăпкă çулпа.
Шухăшсем
Предлагаем вам высококачественный троту...
Когда речь идет о ремонте, выбор правил...
Лазерный уровень легко помещается в су...
Wanting to elevate your website t...
Use AI to build a website by just enteri...
В мире, где чистота и здоровье становят...
Лазерный уровень легко помещается в су...
Ready to accelerate your website ...
В современном мире, где качество и безо...
Use AI to build a website by just enteri...