Тавăрар тăшмана1

Тавăрар тăшмана

Ялта, хулара, уй-хирте

Персе, касса тăкнă çынсем.

Хитре пурнăç кĕтнĕ çĕртен

Вĕлернĕ таса ачасем —

Хушаççĕ паян кăшкăрсах

Фашизм вăйне тĕп тума!

Аманнă пирки асаппа

Вутра çунакан салтаксем,

Тискер фашистран хурлăхпа

Усал мăшкăла тӳснисем —

Хушаççĕ паян кăшкăрсах

Фашизм вăйне тĕп тума!

Арканнă хула тĕпĕсем,

Кашни сыпăнми ванчăк чул,

Çунса кăмрăкланнă ялсем,

Хирти йăлт таптаннă тыр пул —

Хушаççĕ паян кăшкăрсах

Фашизм вăйне тĕп тума!

Хушаççĕ вĕсем хистесех

Хаяррăн тăрса çапăçма,

Фашизм йăхне тĕнчипех

Мĕн пур çĕр çинчен тасатма!