Шухăш
Хирте, суха хыçĕнче,
Эпĕ нумай çӳрерĕм.
Çĕрĕн йывăр ĕçĕнче
Нихçан ырлăх курмарăм.
Акнă тырă шăтмарĕ,
Пысăк выçлăх çул килчĕ.
Хăш çул тырă пулмарĕ,
Хăш çул пăрпа çĕмĕрчĕ.
Хĕнре, тертре пурăнса,
Эпĕ выçă ларатăп.
Ялан хытă ĕçлесе,
Вăйран кайса ӳкетĕп.
Пирĕн йывăр ĕçлени
Мĕншĕн ахаль çухалать?
Пирĕн мĕн пур тар тăкни
Харам пырта саланать...
Йĕри-тавра куççулли,
Йĕри-тавра йынăшни...
Вĕçĕмсĕр тĕнче тулли
Вăйсăр халăх юн тăкни...
Анчах эпир йынашни
Тутă çынна илтĕнмест.
Эпир вĕри хуйхăрни
Сивĕ пӳрте ăшăтмасть.
Мĕншĕн, мĕскĕн халăхсем,
Эпир çапла тӳсетпĕр?
Мĕншĕн вĕри куççульсем
Çĕре ахаль тăкатпăр?
Çитĕ пире тертленме!
Пурте пĕрле пухăнар.
Тĕрлĕ харам пырсене
Ĕнсе çинчен пăрахар.
Шухăшсем
Ready to accelerate your website ...
В современном мире, где качество и безо...
Use AI to build a website by just enteri...
Get more leads for your chuvash...
Working to energize your website ...
Ever thought how chuvash...
Looking to boost your website tra...
Get more leads for your chuvash...
Dealing with low website traffic ...
Use AI to build a website by just enteri...