Николай Леонтьев


Николай Леонтьевич Леонтьев 1939 çулхи кăрлачăн 30-мĕшĕнче Чăваш Республикинчи Канаш районĕнчи Пратьякас-Енĕш ялĕнче çуралнă. 1958-1961 çулсенче çар хĕсметĕнче пулнă. Çартан таврăнсан ĕçлекен çамрăксен шкулĕнчен вĕренсе тухнă, Хусанти В.И.Ульянов-Ленин ячĕпе хисепленекен патшалăх университетĕнче вĕренсе журналист дипломне илнĕ хыççăн 1962 çултанпа Пушкăртстанра пурăнать. Стерлитамак райхаçатĕнче литература сотрудникĕ, пай заведующийĕ, яваплă секретарь, тĕп редактор заместителĕ пулса вăй хурать, сăвă-калав çырать, пушкăрт, вырăс, тутар çыравçисен хайлавĕсене чăвашла куçарать. Пушкăртстан Республикин культурăн тава тивĕçлĕ ĕçченĕ ятне тивĕçнĕ.

Николай Леонтьев — Стерлитамакри писательсен организацийĕ çумĕнче 1988 çулта Пушкăртстанри чăваш çыравçисен «Шурă Атăл» литпĕрлешĕвне йĕркелесе яракансенчен пĕри, литпĕрлешӳн пирвайхи кунĕнчен пуçласах — унăн яваплă секретарĕ. Вăл — Раççей Федерацийĕпе Пушкăрт Республикин Журналистсен союзĕн членĕ, Раççей Федерацийĕпе Чăваш Республикин Писательсен Союзĕн членĕ.


Хайлавĕсем