Нина Артемьева

Артемьева Нина Николаевна (Мокина) — чăваш сăвăçи. 1947 çулхи юпан 20-мĕшĕнче Тутарстанăн Пӳлер районĕнчи (халь Тутарстанăн Аксу районĕ) Çĕмĕртлĕ ялта çуралнă. Тулли мар вăтам шкул пĕтернĕ хыççăн Шупашкара куçса килнĕ, пир-авăр комбинатĕнче ĕçленĕ, каçхи вăтам шкулта вĕреннĕ, çав хушăрах сăвăсем çырнă, писательсен союзĕпе çыхăну тытнă.

1987 çултанпа СССРăн ÇП членĕ шутланать.

1977 çулта, И.Н.Ульянов ячĕллĕ Чăваш патшалăх университетĕнчен вĕренсе тухнă хыççăн, Н.Артемьевăна çĕнĕрен уçăлнă «Çилçунат»

журнал редакцине ĕçлеме илеççĕ. Кунта унăн пултарулăхĕ çĕнĕ пусăма çĕкленет: çамрăк поэт сăввисем республикăри хаçат-журналта, кĕнекесенче пичетленме тытăнаççĕ, автор çĕршыври çамрăк сăвăçсен фестивальне хутшăнать. Çапла Н.Артемьева поэзин анлă çулĕ çине тухать, виçĕ кĕнеке çырса кăларать («Пучахсем калаçаççĕ» /1983/, «Хурăнсем шавлаççĕ» /1990/).