Валери Туркай


Валери Туркай

Валерий Владимирович Туркай 1961 çулхи ака уйăхĕн 17-мĕшĕнче Комсомольски районĕнчи Хырай Ĕнел ялĕнче çуралнă. Ялти вăтам шкулта, Чăваш патшалăх университетенче, Мускаври ГИТИС çумĕнчи А.В.Луначарский ячĕллĕ театр аслă курсĕнче вĕреннĕ. Чăваш писателĕсен союзĕн илемлĕ литературăна пропагандăлакан бюровĕнче, «Çамрăк коммунист» хаçатра ĕçленĕ. Пĕр вăхăт Чăваш Республикин Профессионал писательсен пĕрлĕхне ертсе пынă, Çеçпĕл Мишши ячĕллĕ ыр кăмăллăх фончĕн директорĕ.

Малтанхи сăввисем 1976 çулта Комсомольски районĕнчи «Октябрь ялавĕ» хаçатра пичетленнĕ. Унăн «Телейпе юнашар», «Ăста эс, çăлăнăç?», «Каçар мана» пьесисене Чăваш академи драма театрĕпе Çамрăксен театрĕн сценисем çинче лартнă. Литературăри пысăк çитĕнӳсемшĕн ăна республикăри Çеçпĕл Мишши ячĕллĕ премине панă. В.Туркай — Чăваш Реслубликин культурăн тава тивĕçлĕ ĕçченĕ, Чăваш халăх поэчĕ, Украинăри Чернигов облаçĕнчи Остер хулин хисеплĕ гражданинĕ.

Паллăрах кĕнекисем: «Çăлкуç çути» (1989), «Шурă фарфор чашăк» (1994), «Турă питĕнчи куççуль» (1996), «Пурнатпăр-ха» (1999), «Чунăм манăн, чунăм...» (2003).


Хайлавĕсем