Мария Селендеева

Мария Алексеевна Селендеева 1948 çулхи кăрлачăн 12-мĕшĕнче Чĕмпĕр облаçне кĕрекен Чăнлă районĕнчи Чăвашкасси ялĕнче çуралнă.

1966 çулта кӳршĕри Кивĕ Улхашри вăтам шкултан вĕренсе тухнă. Кун хыççăн пĕр хушă Çĕнĕ Улхашра лавккаçăра ĕçленĕ. Куçăн мар вĕренсе Чĕмпĕрти И.Н. Ульянов ячĕллĕ пединститут пĕтернĕ. 1969-1971 çулсенче Çĕнĕ Улхашри вăтам шкулта кĕçĕн классенчи ачасене вĕрентнĕ. 1971 çултанпа — Чăвашкассинчи пуçламăш шкул вĕрентекенĕ.

Мария Селендеева ялти культура пурнăçне активлă хутшăнать. Чăвашкассинчи «Шуçăм» ятлă фольклор ушкăнĕнче юрлать. Сăвăсем çырать. Вĕсем «Канаш» тата «Чăнлă хыпарĕсем» хаçатсенче пичетленнĕ. «Шевле» литпĕрлешӳ членĕ.