Çĕпĕр çулĕ — чукăн çул...

Николай Шелепи | Сăвă | 1906 | революциччен çырнисем | 603


Çĕпĕр çулĕ — чукăн çул,

Пĕлтĕр пулчĕ вилĕм çуль,

Çак йывăрсем çак халăха

Çăмăлланччăр ӳлĕм çул.

 

Епле тӳснĕ-ши пирĕн патша,

Темиçе пин ача çухалсан?

Пит савăнăç пулĕччĕ çак халăха,

Çак Патшалăх пухупе çуталсан.

 

Хура пĕлĕт, вут юпа

Израильсен умĕнче;

Хресченсен сăмахĕсем

Хăйсен патши умĕнче.

 

Египет шывĕ юн пулнă,

Манан тути пыл пулнă;

Таврический дворцана

Хресчен янă çын тулнă.

 

Мысля-шухăш, телеграм —

Пурте вĕсем çиçĕм пек;

Çак çулсене ирттерсси

Нумай çынна пит хĕн пек.

 

Эй, Томас Эдисон,

Шухăшусем нумаййипе

Авланнине маннă эс:

Вуник çулта чухнех

Аçунтан уйрăлнă эс.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ:

Шухăшсем