Хăрушă парне

Турхан Яккăвĕ | Сăвă | 1899 | революциччен çырнисем | 1 279


(Лука, XXIII, 44-46)

 

Ирсĕр халăх хушшинче

Çăлакан Христос хур курать,

Çăлакан Христос умĕнче

Ирсĕр халăх пăлханать...

Мĕншĕн, халăх, ун çине

Хаяр куçпа пăхатăн?

Мĕншĕн Туррăн Ывăлне

Пĕр шухăшсăр п(ă)талатăн?

Мĕншĕн унăн чĕрине

Пĕр хĕрхенмесĕр касатăн?

Мĕншĕн тĕнче Пуçлăхне

Чура вырăнне хуратăн?

Мĕншĕн кĕвĕç куçупа

Шуйттан хыççăн каятăн?

Ах, ах! Туррăн халăхĕ!

Хă(в)на ху ылхан тупатăн,

Эсĕ тĕнче Пуçлăхне

Хĕрес çумне п(ă)талатăн.

Ĕмĕре пырас ылхана

Хыт чĕрӳпе сис(ей)местĕн,

Ирсĕр-ирсĕр пăлханса

Ачусем çине илетĕн...

Акă ĕнтĕ, Çăлакан,

Йывхăç çинче пăталантăм;

Пире ĕмĕт Паракан!

Пирĕншĕн хурлăх куратăн;

Пĕтĕм тĕнче тытакан,

Тĕнче сана пăталарĕ...

Ирсĕр этем намăсран

Турă умĕнче тармарĕ,

Чунлă этем тĕнчере

Чи усаллиех пулайчĕ...

Кун-пуç çути пур чу(х)не

Тĕнчене тĕттĕм хупларĕ:

Хĕвел-уйăх чĕтресе

Хăйĕн çутине памарĕ.

Ирсĕр чуна чĕтретсе

Çĕр питне тĕттĕм хупларĕ...

Х(ă)рушă тĕттĕм варринче

Хăрушă сасă илтĕнет:

— Аттем, Аттем! Çак тĕнче

Хăйне юнпа пĕрĕхтерет!..

Аттем, Аттем! Мана хĕн...

Сывлăша Сана паратăп!..

Х(ă)рушă тĕттĕм варринче

Чиркӳ чаршавĕ çурăлчĕ,

Пысăк тусем хушшинче

Хытă çулсем те çурăлчĕç...

Х(ă)рушă тĕттăм варринче

Çӳлти вăйсем сехĕрленчĕç

Х(ă)рушă тĕттĕм варринче

Пĕтĕм тĕнчипе лăпкă çеç...

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: