«Килсе, ăша ыйту акса хăвартăн…»

Мальвина Петрова | Сăвă | 472


Килсе, ăша ыйту акса хăвартăн —

Шалтан-шала сăхать пин-пин тымар...

Ют ăс витми пытарнă тарăн картăм1

Кӳпченĕ май тиркет, тунать: сан мар.

 

Кĕтмен. Ăсран сăмах ăссах шăвартăн —

Çĕр тĕрлĕ шухăш шăтрĕ шеп калчан.

Çумла-çумла сайра туса хăвартăм —

Управлăх вырăн пулĕ пуç-панча2.

 

Ан кил. Паян кăна тытса куçартăм

Чĕре йăранĕн нӳрĕ ĕретне.

Манах пулсан — тархасшăн — çупкăм сартăр,

Тулсан хыватпăр пурнăç кĕлетне.

 
1 Карт — чикĕ
2 Панча — калча ӳстермелли вырăн

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: