«Çылăхсен хуппинчен шуратсамччĕ мана…»

Çылăхсен хуппинчен шуратсамччĕ мана:

Сывлайми йӳçĕхсе тăракан ăшăма

Куççулӳ тумлатса тасатсассăн кăна

Çĕнерен çуралать чĕм-хавал¹ пурăнма.

Эрлĕкпе² кӳпчесе чăмăрланнă пуçран —

Хăвăла кайиччен³ — чĕрсе юл шухăша:

Сăмахшар вакласа турасассăн кайран

Ахăртнех, асăрхатăн курман курмăша⁴.

Тавăру-тарăху мăййинчен⁵ хăтарма

Хавалу, тивĕçӳ çитмелле, пулмаллах.

Пурнăçпа вĕресе тăракан хурана —

Тасалсан — тĕс кĕртмелĕх ăсанăп хамах.

¹ чĕм-хавал – сывлăш, çĕнĕ пурнăç
² эрлĕк — кӳренӳ
³ хăвăла кай — пушахлан
⁴ курмăш – тивнĕ пай, шăпа
⁵ мăя – сухан çыххи

Çĕнĕ комментари хуш