«Теприсем тĕкĕнме хăяйман хуплашкам илемне…»

Теприсем тĕкĕнме хăяйман хуплашкам илемне

Кăн-кăвак куçунтан вĕçертме те хăратăн...

Паянччен çирĕпех пулнинчен кирлĕ мар тĕлĕнме —

Ăшлăха¹ упрама пултарать-ха хăватăм.

Хĕвĕшӳ хӳттинче пăлхавна пытарма пĕлнĕрен —

Çын çинчех эс мана вăтанмасăр вулатăн...

Халиччен курман пек, тепĕр хут, çĕнĕрен —

Ăс-тăнпа туйăмна вăрçтарать пулĕ ятăм.

Лăплансассăн куçу ӳкерет ӳкĕнӳсĕр хисеп

Ахăртнех, тепĕр хут куриччен упрамалăх...

Йышăнатăп, унпах кирлĕ чухлĕ — пĕлетĕн — тӳсеп

Ыттине хак парать хальхи мар, çĕнĕ халăх.

¹ Ăшлăх — тултармăш

Çĕнĕ комментари хуш