«Тĕлĕкпе витĕнсе выртакан Тăл-пăва…»

Тĕлĕкпе витĕнсе выртакан Тăл-пăва¹ —

Силлесех — ыйхăран тăратать çĕр хута

Курпунланнă Ыйту — тупăнман Хурава

Шыраса памасан евитлет шур Хута.

...Тахçанах çапăнса çӳрекен Ыйтăва

Йышăнать пĕтĕмпех чăтакан шурă Хут;

Чĕнтерет те хушать пăхăнуллă Сăвва:

Кĕр çăка², хунтăла³, çĕнсе ил тепĕр хут!

Тăл-пура пурнакан Чĕрепе Ăс-тăнран —

Сăвăри йĕркесем пуçарсассăн чĕр сут —

Пăвăрланнă Хурав пуç кăтартрĕ аран...

Тек Ыйту силлемест, ун пачах урăх шут...

¹ тăл-пу — кĕлетеке, ӳт-пӳ
² çăка кĕр — хӳтлĕх пар
³ хунтăла — хӳтĕле

Çĕнĕ комментари хуш