Ан вĕренĕр юнтарма

Иван Малкай | Сăвă | ачасем валли | 297


Темĕн пулчĕ, тем çитмерĕ,

Тем тăвасшăн пирĕн Вера? —

Хучĕ çутă кашăкне,

Тăсрĕ пĕчĕк тутине.

Çавăнтах анне систерчĕ,

Куçĕпе пире пĕлтерчĕ:

Лартăрах вăл, лартăрах,

Хăйне хăй юнтартăрах.

Ак эпир апат çиетпĕр —

Пуçтаратпăр та илетпĕр.

Ларса юлтăр вăл пĕччен,

Кăмăлне тӳрлетиччен.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: