Электронлă вулавăш

Вăййа тухсан пĕрне анчах сăнатăп

Курмасăр никама унсăр пуçне!

Умне пырса тăма-çке вăтанатăп...

Туймасть вăл эпĕ уншăн çуннине!

Паян каллех урăххипе каять вăл

Пĕтсессен вăйă килĕ еннелле!

Ман чĕрере каллех алхасĕ тăвăл...

Çак тăвăла епле çĕнтермелле?

Чуна уçма мĕнле сăлтав тупас-ши?

Пырасчĕ ун патне хăват пухса!

Юратнине епле хăйса калас-ши

Чун савнă пикене куçран пăхса?

Паян ăна урăххипе эп ямăп

Пĕтсессĕн вăйă килĕ еннелле!

Сар пикене тек никама та памăп!

Çут телее унпа çеç кĕтмелле!

Ах, кӳршĕ ял пикийĕ! Чуна-çке ан çунтар!

Ах, кӳршĕ ял пикийĕ! Пĕр шанчăк çеç хăвар!

Ах, кӳршĕ ял пикийĕ! Çак тунсăхран хăтар!

Ах! Кӳршĕ ял пикийĕ! Юратнăшăн каçар!

Каçар, каçар...