Кĕрен чечекĕм

Василий Шихранов | Сăвă | чечек | 502


Ытла та ир шăтайрăн пуль,

Çеçке çурма васкарăн пуль.

Шур юр айне пулмастăн-ши?

Ирхи шăнпа шанмастăн-ши,

Кĕрен чечекĕм?

 

Хĕвел шевли васкатрĕ-и?

Шăтса тухма хистерĕ-и?

Шур юр каллех ӳкейрĕ-çке,

Тепре çĕре витейрĕ-çке,

Кĕрен чечекĕм!

 

Шур юр айне тумастăп-ха!

Шăнса пĕтме памастăп-ха!

Чун ăшшипе хуплайăп та —

Ирхи шăнран çăлайăп та,

Кĕрен чечекĕм!

 

Шыв-шур юхса пĕтейиччен,

Хĕвел ăшши çитейиччен

Сана пăхсах эп тăрăп-çке,

Хăрса каймашкăн памăп-çке,

Кĕрен чечекĕм!

Кĕрен чечекĕм...

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ:

Шухăшсем