Чечекпипе Чĕвĕлпи

Николай Ишентей | Сăвă | ачасем валли | 281


Пăрăва çаран çинчен

Хуса килчĕ Чечекпи.

Пӳрт çамкинчи йăвинчен

Сас парать чĕкеç чĕппи.

— Эпĕ — Чĕвĕл-чĕвĕлпи.

Атя иккĕн калаçар.

— Манăн ятăм Чечекпи, —

Тет хаваслă хĕр ача.

— Тунсăхларăм, Чечекпи.

Пушă вăхăт сан пур-и?

— Пăрăва хупсан, эппин,

Юрлăпăр чĕкеç юрри.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: