Ахаль мар пуль

Василий Шихранов | Сăвă | 480


Ăнсăртран-ши килчĕ тĕлпулу?

— Хамран хам ыйтатăп кунсерен.

Ман çулпа пĕрлешрĕ сан çулу

Ахаль мар пуль, тусăмçăм, ĕнен!

 

Каçсерен килетчĕ тĕлĕкре

Нихăçан курман пĕр çут сăнар.

Çав сăнар вырнаçрĕ ĕмĕтре

Тивертмешкĕн чунăмра кăвар!

 

Санпала тĕл пулнă самантра

Куçăма шанмарăм эп малтан:

Асăмри сăнар тăрать умра!

Тĕлĕкрен-ши вăл, е юмахран?

 

Ăнсăртран пулман пуль тĕлпулу.

Ахаль мар пуль килтĕн тĕлĕкрен!

Ман çулпа тĕл пулчĕ сан çулу

Ахаль мар пуль, тусăмçăм, ĕнен!

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: