«Ма хăпмасть-ши манран нуши-терчĕ?..»

Ма хăпмасть-ши манран нуши-терчĕ?

Çакă шухăш пĕрмай çӳçентерчĕ.

Вăйлă çил ураран ӳкерсен,

Сăнпала та эп ӳкрĕм тĕсрен.

Эпĕ сан шур кĕпеллĕ тусуччĕ,

Туратпа шурă çĕмĕрт, ав, сулчĕ —

Сӳнчĕç, пĕтрĕç хитре самантсем,

Çухалаççĕ палланă сассем.

Эпĕ сан шап-шурă çĕмĕртӳччĕ,

Юратуллă кунсен çукчĕ шучĕ.

Çук, тăмастăн тек манăн çумра —

Куç хуралчĕ, тĕтре çеç умра.

Çĕнĕ комментари хуш