Йӳҫӗ ҫӑкӑр

Любовь Фёдорова | Калав | ачасем валли | çăкăр | 539


Петя амăшĕ лавккаран илсе килнĕ ыраш çăкăрне тутанса пăхрĕ те:

— Пĕрре те тутлă мар, — тесе хучĕ.

Амăшĕ хирĕç:

— Хырăм выçсан çăпата кантри яшки те тутлă тет, — терĕ те пĕр пысăк çăкăр чĕллине хутаçа чиксе хире кăшман çумлама тухса утрĕ.

Петя кунĕпех ним ĕçлемесĕр ларчĕ, çапах каç енне хырăмĕ выçнине туйрĕ.

Амăшĕ ĕçрен таврăнчĕ, сĕтел çине ыраш çăкăрĕ, хуппипе пĕçернĕ çĕр улми кăларса хучĕ, куркасене уйран ячĕ.

Ывăлĕ каçхи апата питĕ юратса çирĕ. Уйрăмах ăна ирхине килĕшмен çăкăр кăмăла кайрĕ.

Выçсан йӳçĕ çăкăр та тутлă иккен.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: