«Шăннă та — сивĕ...»


Шăннă та — сивĕ,

Чĕмсĕр,

Витĕр курнассăн каç.

Шухăшăм çил пек —

Тĕлсĕр,

Çил — йĕрсе янă сас.

 

Камăн мĕскер

Ыратĕ —

Сан ыратсассăн чун?

Çил сар çулçа

Татать-и?

Таттăр-и — тарнă çу.

 

Кам çывăрмасть-ши,

ВĂЛ-тăр? —

Мансăр çĕрлет çĕре.

Яр! ярăнать те

Çăлтăр —

Йăлтăр! ӳкет çĕре.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... »
Хаклав:
Шухăшĕ:
Чĕлхе илемлĕхĕ:
Содержанийĕ: