Мĕн тери шел!..

Мĕн тери шел! Янрать салхуллă кĕвĕ.

Каятăн эсĕ. Пуйăс тапранать.

Чĕре çунать. Сурать тытăннă çĕвĕ,

Сывлама йывăр. Чунăм капланать.

Ĕмĕтсемпе сывпуллашмашкăн йывăр.

Каçар теме те шанчăк сӳнчĕ пуль.

Ах, пурнăçăм, сакку ытла та тăвăр,

Мĕнле чăтсан та тăкăнать куççуль.

Мĕн тери шел! Куçран çухалчĕ пуйăс.

Перрон çинче тăратăп чĕтресе…

Кĕç светофор çути çуталчĕ симĕс

Пĕтмен-ха пурнăç тенĕн систерсе.

Çĕнĕ комментари хуш