Ӳсĕр мар эп…

Анатолий Ырьят | Сăвă | 384


Эс туйна чĕнмерĕн,

Мĕскĕн терĕн пуль.

Чунăма илтмерĕн,

Типрĕ ман куççуль.

 

Венчетре тăратăн,

Пушă чун пусси.

Çурта лартнă çутă

Йĕрет, мĕн усси?

 

Пуянни илĕртрĕ,

Чаплă-и манран?..

Телейне вĕçертрĕн,

Ӳкĕнĕн кайран.

 

Эп усал сунмастăп,

Пач йӳпленчĕ çул.

Çук, пуçа усмастăп,

Мĕнех? Сывă пул!

 

Ӳсĕр мар эп… Юрĕ,

Урăлтăм тинех.

Çук, пурах çав Турă,

Айăпли — эсех.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: