Хĕр чупакĕ
Ăс-хакăла пуç тайнă тапхăр.
Ракета, атом, этилен...
Çапах çур чечекне мухтатпăр.
Çыратпăр хĕр тути çинчен.
Ĕрĕхтерсе кунçул чупать-и —
Йӳçет-ха çамрăклăх çĕпри.
Ах, хĕр чупакĕ, хĕр чупакĕ,
Халь çеç чуптунă пек вĕри.
Вăл сан пекех вăтанчăк питĕ.
Епле-ха эс ăна сисмен?
Ун пĕтĕм куçĕ, пĕтĕм пичĕ
Пĕр пысăк юрату иккен.
Чуна вăратрĕ пăшăл сасă.
Эс паттăр çын-и е айван?
Эп чуптуса курман пулсассăн,
Мĕнлерех-ши пулăттăм паян?
Вăл, юрату, яланлăх юрă.
Ăна мухта эс ĕмĕрех.
Кун пек, тен, ырлăх килмĕ урăх, —
Телейлĕ çын эс пурпĕрех.
Ас-хакăл пуç тайнă тапхăр...
Çук, кăмăл çырлисем типмен.
Çур чечекне эпир мухтатпăр,
Çыратпăр хĕр тути çинчен.
Шухăшсем
Вĕçлемĕш ик йĕрки асăма килсех тăратччĕ ...
Вячеслав! "Шурё юрлё" (Белым снегом) юрр...
Тавах паттёр Борлена мухтанёшён...
Паян поэтăн çуралнă кунне паллă тумалли ...
Юмăçсем хăшпĕр чухне тĕрĕссинех палăртаç...
Bermarkle тата AlexMaster тем каласшăн ...
Bermarkle тата AlexMaster тем каласшăн ...
Тĕрĕс палăртать поэт: пурнан пурнăçра ăш...
Юлашки йĕркине улăштармалла, Тав тăватпă...
Питĕ килĕшрĕ Шемекеев Витали сăвви !