«Итле-ха, эрĕм-армути!..»

Итле-ха, эрĕм-армути!

Сана кам сунĕ кун çути?

Эс тулă мар,

Чечек те мар,

Шăпăр çыхсан — типен вăр-вар.

Ку çеç-и?

Эс тăватăн хур.

Санра тăшман йăли те пур:

Уя-хире сырса илен.

Эс, сĕлĕх пек, сĕткен ĕмен,

Ĕне сĕтне кӳрен йуç тутă.

Кам калĕ: «Эрĕм — лайăх утă...»

Пĕррехинче

Аран сывлатăп.

Пуç ыратать, сурать шăмшак.

Чирлерĕм, кăм&п та кăпшак.

Чăмларăм армути — сывалтăм!

Эккей, вара-çке шухăшлан:

Эс, эрĕм, тус-и е тăшман?

Е хăшпĕр çыннăн пек, санра —

Ырри-усалĕ пĕр картра?

Çĕнĕ комментари хуш