Хĕллехи каç


Борис Пастернакран

 

Кĕрлетчĕ сĕм-хура тĕнче,

Шур юр шăлатчĕ,

Çурта çунатчĕ сак çинче,

Çурта çунатчĕ,

 

Вут тĕлĕнче вĕркĕшекен

Ӳпре пек тачă,

Кантăкалла картишĕнчен

Юр туртăнатчĕ.

 

Йĕр-йĕр пăрланнă кĕленче

Хура курнатчĕ.

Çурта çунатчĕ сак çинче,

Çурта çунатчĕ.

 

Пушмак ӳкетчĕ урайне,

Кăшт сас паратчĕ.

Вĕри тумлам кĕпе çине

Çурта тумлатчĕ.

 

Элчел мĕлке пек чĕтресе

Пире курнатчĕ:

Ал-урана пĕрлештерсе

Ик чун анратчĕ.

 

Кĕрлетчĕ сĕм-хура тĕнче,

Тăман шăлатчĕ,

Çурта çунатчĕ сак çинче,

Çурта çунатчĕ.

 

Çурта çути чӳхеннĕ май

Мĕлке куçатчĕ.

Утре юн хĕрнине туйма

Асаплă марччĕ.

 

Вĕç-хĕрсĕр нарс уйăхĕнче

Тăман шăлатчĕ.

Çурта çунатчĕ сак çинче,

Çурта çунатчĕ.

Çавăн пекех пăхăр

Вулавçăсен шухăшĕ Вулавçăсен шухăшĕ


Agabazar (2018-05-09 20:56:02):

Свеча горела на столе,

Свеча горела ©

 

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... »
Хаклав:
Шухăшĕ:
Чĕлхе илемлĕхĕ:
Содержанийĕ: