Курак йăви

Алексей Воробьев | Сăвă | 1958 | 479


Сирĕн кил тавра йăмралăх.

Ман умра та пур йăмра.

Çавăнпа та пуль янравлă

Çуркунне ман туйăмра.

 

Эп сăнатăп куç илмесĕр:

Çил çӳрет касран касса.

Йывăçсем çунаççĕ хĕмсĕр,

Ешĕл çулăм хумхатса.

 

Асăрхатăп каçăн-ирĕн:

Хатĕрленнĕн уява

Шав кĕрлет йăмралăх сирĕн,

Кайăк çавăрнă йăва.

 

Кураксен çунатлă туйĕ

Каклатса вĕçсессĕн майсăр,

Кĕвĕçет пăлханнă туйăм:

Мĕншĕн ман йăмра йăвасăр?

 

Пусаратăп тунсăха,

Кăлăхах чĕре çунни.

Ман ăшра яланлăха

Çавăртăн йăва, савни.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: