«Кану вăл пур-и?..»

Геннадий Айхи | Сăвă | 1957 | 322


Кану вăл пур-и? — Çĕр — çĕрех:

Вĕçне-хĕрне тупаймăн.

Каяс тесен те — пур пĕрех

Тенче пĕрре, — каяймăн.

 

Ху хăватна курас тесе

Пĕччен, пĕр ху çеç, ӳсĕн,

Чăтас тесен те, — пĕр эсех,

Пĕр хушăн ху çеç — тӳсĕн.

 

Пурте пĕччен, тĕнче — пĕччен,

Пĕрле пулса кĕрлеççĕ

Пĕччен сассем... Анчах вĕсен

Кĕрлевĕ те пĕчченçĕ!..

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: