Электронлă вулавăш

Çурхи каçа эп тус пулмашкăн чĕнтĕм.

Караймĕ ыйхă маншăн çĕрĕпе.

Ир çывхарать.

Эп куç хупман пĕр чĕптĕм.

Эп сăвăпа айкашрăм çĕрĕпе.

Таса хирте суха касси пуçларăм,

Кун ăнасса юрларăм эп юри.

Ман юррăм пулчĕ пурĕ те пĕр çаврăм.

Çапах та вăл, — пĕлетĕп, чун юрри.

Эп яшлăха ирттертĕм урăм-сурăм.

Ĕмĕтĕме вăй пур чух çитерем.

Ĕçе кăна савать текех хул-çурăм.

Кĕрешĕве кăна савать чĕрем.

Поэт пуçне витесшĕн манăç юрĕ.

Ун тыррине çил шелсĕр сăвăрать.

Саманапа пĕр саслă пултăр юрă.

Кĕрлетĕр вăхăт чапĕ сăвăра!

Ир çывхарать.

Тинех лăпланчĕ ăшăм.

Эп шанчăкпа пăхатăп мал енне.

Пучах пекех хĕрелчĕ тухăç ăшшăн.

Алла илетĕп шуçăм кĕлтине.