«Чулпа печĕç — чулланмарăм...»


Чулпа печĕç — чулланмарăм,

Вута хучĕç — эп çунмарăм.

Шыва ячĕç — эп путмарăм,

Пурăнатăп. Сып-сывах.

 

Чул катса çурт купалатăп,

Шыв-шура пӳлсе хуратăп,

Çулăмпа эп туслашатăп,

Ӳстеретĕп ывăла.

 

Чул чĕреллĕ вăл пулмарĕ,

Ывăлра çăлкуç сăнарĕ,

Чĕринче — хĕвел кăварĕ,

Эп телейлĕ çавăнпа.

 

Ывăлпа сурт купалатпăр,

Пахчара çĕн çăл чаватпăр,

Каннă чух кăвайт хуратпăр,

Ăмсанса ман пурнăçа.

 

Чулпа печĕç — чулланмарăм,

Çунтарасшăнччĕ — çунмарăм,

Путарасшăнччĕ — путмарăм,

Пурăнасчĕ-ха татах!

Вулавçăсен шухăшĕ Вулавçăсен шухăшĕ


Альбина (2014-04-02 11:41:51):

Сёвви те лайёх хавар та матур пулас

 

Галина (2014-04-02 21:26:18):

Чулпа печĕç — чулланмарăм,

 

Çунтарасшăнччĕ — çунмарăм,

 

Путарасшăнччĕ — путмарăм,

 

Пурăнасчĕ-ха татах! - Эпĕ те сирĕн пекех!

Чĕлхе илемлĕхĕ: илемлĕ | Шухăшĕ: вăйлă | Содержанийĕ: тарăн

 

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... »
Хаклав:
Шухăшĕ:
Чĕлхе илемлĕхĕ:
Содержанийĕ: