Кăвар тытан алăсем

Алексей Воробьев | Сăвă | 1964 | кăвар | 327


Хĕлхем çине пăхса, пĕр сассăр

Ларать канса сухаç-пичче...

Кăвар вăл илчĕ васкамасăр,

Сиктерчĕ ал лаппи çинче.

 

Типтерлĕн чĕлĕм çине хучĕ,

Пусарчĕ çутă чĕрнипе.

Шур тĕтĕм витĕр чупрĕ куçĕ

Суха кассин çĕн йĕрĕпе.

 

Çурхи тӳпе — кăвак шăналăк.

Хир шавĕ илĕртет чуна.

Кăвар тытан алла шанатăп,

Ĕçпе вăл чун кĕртет куна!

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ:

Шухăшсем