Тăван тĕнне хĕстернине пула...


Тăван тĕнне хĕстернине пула

Чылай чăваш тарать ăстампула.

 

Тутар ятпа çӳрет пуçне хырса,

çапла ун несĕлĕ ларать хăрса.

 

Вăл-ку тарам.

Эпир пĕтсех çитмен,

чăваш тени те çĕр çинчен çĕтмен.

 

Çапла çаптарнă шухăшсампала

вĕçсе çитеп çап-çут ăстампула.

 

Ĕшеннĕ самолет чарнать чупса,

пĕр харăссăн яратпăр ал çупса.

 

Портри хĕвĕшӳре пĕр пуç курнать,

«Чăвашистан!», – тесе вăл кăшкăрать.

 

Кунта паян эп

кĕтнĕ тус, хăна –

ытамласа илеп Огузхана.

 

10.09.2007. Анкара.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... »
Хаклав:
Шухăшĕ:
Чĕлхе илемлĕхĕ:
Содержанийĕ: