«Ывăл чунлă Улжанăм...»1

«Ывăл чунлă Улжанăм...»

Ульчана хĕрĕме

Ывăл чунлă Улжанăм,

Кун çути Ульчат,

Сана саврăм та шантăм,

Эс хăтартăн мана.

Эс чăнах çирĕп чунлă,

Йăлт вйçеллĕ те шет.

Калаçмастăн хĕн-хурлă —

Ку сана килĕшет!

Фронтовик кукаçу пек

Курăнатăн йăлтах.

Нимле пылчăк та çӳпĕ

Варалаймĕ вăйна.

Пĕчĕк-печĕкçĕ хĕрĕм,

Пысăк-пысăк этем!

Ман пуçри тĕтĕм-сĕрĕм

Сирĕлет эс килсен.

Малашне те пул паттăр,

Тĕнчене виç те тат —

Сана Турă вăй патăр,

Патăр çĕнĕ хăват.