Юрламасăр чун чăтмасть

Ална пар, тăван, эс мана,

Иккĕн тытăçса юрлар.

Ăшăнтăр кăштах самана,

Савăнса кулар, ташлар!

Юрламасăр чун чăтмасть,

Юрă чуна ăшăтать.

Чун чирлемест, чун ватăлмасть,

Çĕнĕ туйăм çеç шăтать.

Туслăх вăйĕ, туслăх шайĕ

Ӳссе пытăрччĕ ялан.

Чăваш юррин чапĕ кайĕ

Çӳлле, çăлтăрсем таран.

Мĕншен савăнса юрлас мар,

Чăваш чунлă эс пулсан?

Ташша тух, атя, яра пар,

Тӳперен çĕре эс ан!

Çĕнĕ комментари хуш