Пӳрнепе чуптурăн çеç

Анатолий Ырьят | Сăвă | 404


Мĕн чул кĕтрĕм, сас памарăн,

Мĕн чул хуйхăрмарăм пуль.

Кĕр çитсессĕн хăта ятăн,

Тинех типрĕ ман куççуль.

 

Улталантăм, улталантăм,

Пӳрнепе чуптурăн çеç.

Ăшталантăм, ăшталантăм,

Чунăм — тыткăнри чĕкеç.

 

Тен, хура кушак-и иртрĕ

Эпир утнă çул урлă.

Хуйхăпа каллех эс витрĕн;

Чунăм тексĕм, çумăрлă.

 

Сăмаху çилпе сан вĕçрĕ,

Çунса кайрĕ юрату.

Кĕвеç туйăм çакна сисрĕ, —

Пурăнар çавах тату...

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ:

Шухăшсем