«Çăлтăр-чечек пĕр кăшăл илтĕм...»

Виталий Станьял | Сăвă | 1998 | 609


Кирилл Кириллов асăмне

 

Çăлтăр-чечек пĕр кăшăл илтĕм

Тăван тăпри çине хума,

Пуçа тайса сума сума,

Салам пама, салам тума,

Эрен хĕрне юри эп килтĕм.

 

Шăпах та лăп пин те ик çухрăм

Пукшашпала Эрен хушши,

Ал-хапăл та ăшши-пăшши

Кĕскелчĕ пин çулсен тăршши —

Ăна ик çухрăм евĕр тухрăм.

 

Пил ту мана та, Арçука та

Пехиллĕ тулăх шыв Эрен,

Эпир, çапах та, инçетрен

Çак аслă çутă тĕнчере...

Пиллемесен, каллех çухатăн.

 

Çухатусен тиевĕ йывăр:

Кĕтмен çĕртен, сасартăках,

Çапаççĕ те пире тăмха,

Яраççĕ тĕпсĕр шăтăка.

Асри тăванăм, лăпкă çывăр...

 

1998, çу, 27.

Кăтаймас масарĕ.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ:

Шухăшсем