«Юрату, епле асамлă эс, хăватлă...»


Юрату, епле асамлă эс, хăватлă,

Илĕртсе чечекленес пулсан.

Чунĕпе çынна тăватăн эс çунатлă,

Пĕлĕтсем çинче ярăнтаран.

 

Юрату, епле чăтмалăх вăй паратăн

Пурнăçра пĕр тикес килмесен.

Уйрăлу пулсан та шанчăкна упратăн,

Чĕререн тухмастăн тĕпленсен.

 

Юрату, епле чуна юрлаттаратăн,

Кĕввӳпе юна вылянтарса.

Шухăшра хăвна ялан явăçтарасшăн,

Ĕмĕтленнипе савăнтарса.

 

Ырату Юратупа тăванлă,

Йĕкĕреш пулса, пĕр шухăшпа

Калăплаççĕ пулĕ савăк туйăм

Чĕрере вăратнă хăватпа.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... »
Хаклав:
Шухăшĕ:
Чĕлхе илемлĕхĕ:
Содержанийĕ: