«Карлăк урлă кармашса...»
Карлăк урлă кармашса
Илтĕм Алтăр çăлтăрне.
Савăк юрă янратса,
Утрăм Атăл хĕррине.
Çĕмерт урлă чĕвенсе,
Илтĕм уйăх витрине.
Ылтăн витре тĕпĕнче
Куртăм тусăм хитрине.
Алтăр çăлтăр — пĕр алра,
Ылтăн витре — тепринче.
Шурăмпуçне хураллап
Аслă Атăл хĕрринче.
Аслă Атăл — умăмра,
Кĕмĕл алтăр — аллăмра,
Çурхи шурă çĕмĕрт пек
Чунăм тулать ĕмĕтпе.
Ĕмĕт, ĕмĕт ирĕлсе
Вĕриленчĕ чунăмра.
Тухать, хитре хĕрелсе,
Шурăмпуçĕ ман умра.
Шурăмпуçне, хĕрелсен,
Эп тултарап алтăра.
Мана колхоз хĕрĕсем
Кĕтсе илĕç хапхара.
Хĕрсем курĕç витрере
Шурăмпуçĕн шевлине.
Çакăнтан та хитререх
Мĕнех пур-ши ирхине?
Шухăшсем
Is your chuvash...
Get additional leads for your chuvash...
Is your website chuvash...
Предлагаем вам высококачественный трот...
Ready to enhance your website aud...
Is your website chuvash...
Ready to drive your website succe...
Is your website chuvash...
Замечательное поэтическое творение...
Аван çырнă вăл вăхăтра ...