«Ман тунсăх сăваплă...»

Ман тунсăх сăваплă. Ялан сан çинчен.

Пурнать вăл манра эп çĕре кĕриччен.

Ытла савăнни, иртĕхни те кулни

Кама кирлĕ — калăр, çитет пуль шанни.

Эп санăн чуру çеç, çапах та пĕччен,

Мĕн чухлĕ кун кирлĕ сана куриччен.

Манман пуль, каларăн: «Кĕтсем эс, кĕтсем.

Эп санăн пулатăп. Çакна эс пĕлсем!»

Кĕтетĕп, кĕтетĕп. Илесчĕ кĕтсе,

Эс ман пуласса чăнласах та пĕлсе.

Çĕнĕ комментари хуш