Кун

Шевле алне сулать те — кун иртет.

Тăван çынсемшĕн ĕçлесе иртет кун.

Ку пурпĕрех: цехра эс е хирте —

çитĕневне пĕлет те хĕпĕртет чун.

Тепри шутлать: эп хамшăн, тет, ĕçлеп! —

Пăхатăп та — ун пуçĕнче çемйи-тĕр...

Пĕр çак çеç чĕрĕлĕхшĕн хирĕçле —

енчен те çын шутлать пулсан:

«Кун ирттĕр».

Шевле алне сулать те кун иртет.

Пуласлăха тăватăн тепĕр утăм.

Ачалăх кăсăкланăвĕ пирте

сӳнмен пулсан — эпир те чĕрĕ, тусăм.

Çĕнĕ комментари хуш