«Виçпӳрт-и унта, Çичĕпӳрт-и...»

Виçпӳрт Шăмăршăран вирьяла куçнă Г.М.Алексеева

Виçпӳрт-и унта, Çичĕпӳрт-и,

Тӳре-и е мантăр хӳре —

Вăл мар пире тантăшлăх пӳрчĕ

Вăл мар пĕрле турĕ пире.

Тури, анат енĕ, аначĕ...

Чăваш вăл таçтат та перех.

Чăвашлăх — чĕлхемĕр апачĕ —

Пире чăмартарĕ пĕрле.

Эпир — икĕ ĕмĕр тусанĕ,

Эпир — вăрçăпа ӳснисем...

Чăтни, хурланни манăçланĕ —

Вăйлантăмăр çеç тӳснĕçем!

Юлать пирĕнтен те тĕпренчĕк

Пӳрт-çурт, ывăл-хĕр, кĕнеке.

Тĕнче пирĕнпе те çĕкленчĕ —

Телейлĕ çавна пĕлекен!

2002, çурла, 10.

Юнкă, Коминтерн ялĕ.

Çĕнĕ комментари хуш