«Юратăва эп упрама тухатăп...»
Юратăва эп упрама тухатăп,
Тытатăп аллăма эп çутă хĕç.
Пытан, тăшман. Пурĕпĕрех тупатăп.
Ку пулĕ ман чи пархатарлă ĕç.
Юратăва варалама памастăп,
Касатăп хĕçĕмпе тăшман пуçне.
Элекçĕ сăмахне шута хумастăп,
Çăхан сăхса шăтартăр ун куçне.
Кĕвĕçекенсемпе эп туслашмастăп,
Çунат ыйтатăп кайăк-кĕшĕкрен.
Çӳле вĕçме пачах та хăрамастăп,
Савни вĕçет пулсассăн манпалан.
Пĕрле, савни, юратăва упратпăр,
Кĕрешĕве тухатпăр уншăнах.
Телей тĕнчи эпир пĕрле шыратпăр,
Ăна эпир, савни, тупатпăрах.
08.08.2007
Шухăшсем
Boost your Chuvash website’s traffic wit...
Need more clicks and conversions for Chu...
Круглозвенные цепи — это не просто элем...
Цикори çинчен ытларах пĕлесшĕннччĕ ...
Замечательное поэтическое творение...
Аван çырнă вăл вăхăтра ...
Кам пĕлет И...
Тĕлĕнмелле çырнă...
Сахал сăмахсемпех питĕ тарăн шухăшсем уç...
Мана питĕ килĕшрĕ...