«Аннесем иртнине асăнма кăштах маннăччĕ...»
Салтак ачине, Денис Гордеева
Аннесем иртнине асăнма кăштах маннăччĕ,
Ар алли çуккине сисми пулнăччĕ çеç —
Эсĕ кайрăн тухса — ватăсен пурнăç шанчăкĕ,
Ал сулса ял-йыш юлчĕ хапха умĕнче.
«Ывлăм, чунăм, ан кайччĕ», — темерĕ аннӳ те...
Куççульне типĕтсе, пăхса тăчĕ пăртак.
Шухăшларĕ пуль вăл — ӳссе çитрĕ ман ывăл,
Халăха сыхлама пулса тăчĕ салтак.
Уйрăлу йывăрне сăмахпа палăртмасăр
Ват çынла хытарса пăшăрханнă чунне,
Кун ирттермĕ, паллах, вăл сана асилмесĕр —
Инçетре эс ан ман ун таса кăмăлне.
Килме вăхăт çисен вăл сана кĕтсе илĕ
Аçуна вăрçăран кĕтсе илнĕ пекех.
...Унăн шурă çӳçне вылятать Кĕтне çилĕ,
Иывăр пуçĕ çине юр ӳкминччĕ текех.
1961, чӳк, 14,
Каçал - Асанкасси.
Шухăшсем
Capture more leads for your chuvash...
Круглозвенные цепи — это не просто элем...
Лазерный уровень легко помещается в су...
Когда речь идет о ремонте, выбор правил...
В современном мире, где качество и безо...
Замечательное поэтическое творение...
Аван çырнă вăл вăхăтра ...
Кам пĕлет И...
Тĕлĕнмелле çырнă...
Сахал сăмахсемпех питĕ тарăн шухăшсем уç...