«Эс каларăн мана юрататăп тесе...»

Любовь Шашкина | Сăвă | 399


Эс каларăн мана юрататăп тесе,

Чĕрери туйăмна пытармарăн.

Тӳпери çăлтăрсен çутинчен ирттерсе

Ик куçу çунчĕ харсăр кăваррăн.

 

Ачаран вăйăра пĕрле ӳснĕ туссем,

Пур ĕçре те ялан çума-çумăн…

Шутламанччĕ çапла юнашар утнăçем,

Сан чунра çуннине вăйлă çулăм.

 

Эс каларăн мана юрататăп тесе,

Сар хĕвел шевли пек ăшшăн култăн.

Эпĕ сапрăм сив шыв, кăвара сӳнтерсе:

— Каçарсам… Эс ытла кая юлтăн…

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: